एजेन्सी,
अमेरिकाको चर्चित मिडिया हाउस न्यूयोर्क पोष्ट तथा युनाइटेट प्रेस इन्टरनेशनल (यूपीआइ) ट्वीटर अकाउण्ट ह्याक गरेर एक ह्याकर समूहले तेश्रो विश्व युद्धको घोषणा गरेको छ । यो घोषणासंगै अव विष्व कतातिर जाने हो भन्ने सवैमा त्रास छाएको छ ।  शुक्रबार ह्याक गरिएको उक्त मिडिया हाउसको अकाउन्टबाट यस्तो घोषणा गरिएको हो ।

विश्व अर्थतन्त्र र सेनाको विषयमा उक्त समूहले विभिन्न अफवाह समेत फैलाएको छ । कतिपय पोष्ट पछि डिलिट गरियो भने एक पोष्टमा ह्याकरहरुले तेश्रो विश्व युद्धको घोषणा गरेका छन् । पोप फ्रान्सिसलाई उद्धृत गर्दै ह्याकरले विश्वमा तेश्रो विश्वयुद्ध शुरु भएको घोषणा गरेको हो ।

अर्को पोष्टमा अमेरिकाको अर्थतन्त्र सम्बन्धी अनौठो कुरा लेखिएको छ । पोष्टका प्रवक्ताले यो ह्याकिङको विषयमा जाँच भैरहेको बताएका छन् । दुवै मिडिया हाउसले विज्ञप्ति प्रकाशित गरेर अकाउन्ट ह्याक भएको र त्यसबाट प्रकाशित सामग्री सही नभएको बताएका छन् ।