एजेन्सी– ब्राजिलका स्टार स्ट्राइकर नेमारलाई भविष्यमा प्यारालाइसिस् हुने सम्भावना अधिक देखिएको छ । कोलम्बियाली डिफेन्डर जुआन कमिलो जुनिगाले ढाडमा कुल्चदा ढाडको हड्डी नै भाँचिएर घाइते बनेका नेमारले पत्रकार सम्मेलनमा बोल्दै यस्तो खुलासा गरेका हुन् । ‘मेरो ढाडको एउटा हड्डी भाचिएकाले भविष्यमा मलाई प्यारालाइसिस् हुने सम्भावना छ’ भावविह्वल रुपमा पत्रकार सम्मेलनमा प्रस्तुत भएका नेमारले भने,‘कोलम्बियासँगको खेलले मलाई मानसिक पिडा मात्र दिएको छैन शारिरीक रुपमा पनि ठुलो पिडा दिएर गयो ।’ नेमारले उक्त खेलमा आफ्ना अन्य हड्डी भाँचिएको भए ह्विल चेयरमा नै हिँड्नु पर्ने दिन आउने बताउँदै भाग्यबश अरु क्षति नभएको बताए । उनले उक्त क्षण निकै डरलाग्दो भएको बताउँदै भने,‘मेरा अन्य हड्डी भाँचिएको भए म ह्विल चियरमा हुने थिए । तर भाग्यबश त्यस्तो केही भएन ।

नेमारले आफुमाथि भएको हमला स्वीकार योग्य नभएको समेत पत्रकार सम्मेलनमा बताए । नेमारले घटना जानजान नघटाए पनि यो गम्भिर गल्ती भएको टिप्पणी गरे । उनले आफ्नो खेल जीवनको महत्वपुर्ण समयमा यस्तो घटना भएको भन्दै खिन्नता प्रकट गरे । नेमारले उनलाई चोट दिने जनिगामाथि थप कारबाही गर्नु पर्ने या नपर्नेबारे भने केही पनि खुलाएनन् । -