श्रीस्वस्थानी व्रतकथाको प्रारम्भकै दिन एक स्वामीले आफ्नै लिंग काटे - हेर्नुहोस् ।

काभ्रेपलाञ्चोक,पुस २२ – ‘म अब स्वामी हुन सकिनँ,मेरो मन विचलित भयो’ भन्दै एक महादेवभक्त जोगीले आफ्नै लिंग छेद्न गरेका छन् । ‘त्यागमय जीवन भोग गरिरहेको समयमा लिंगले डग्मगाउन खोज्यो’ भन्दै ती जोगीले हँसियाले आफ्नो लिंग काटेका हुन् । काभ्रपलाञ्चोक जिल्ला मण्डन महादेवस्थान–३ स्थित कश्यपेश्वर महादेवको मन्दिरमा रहेका स्वामीले यसरी आफ्नै लिंग काटेपश्चात घटना सार्वजनिक भएको हो ।
 सत्ययुगमा महादेवकी श्रीमती सतीदेवीको मृत्युपश्चात नाभी पतन भएको स्थानमा निर्मित महादेव मन्दिरमा श्रीस्वस्थानी व्रतकथाको प्रारम्भ भएकै दिन अर्थात् पौष शुक्ल पूर्णि
माको दिन पारेर उनले आफ्नै लिंग छेदन गरेका हुन् । उनले आफू महादेवको भक्त भएको र स्त्री जातिको सम्मान गर्ने समयमा स्त्रीप्रति नकारात्मक सोच पलाउनुमा आफ्नो लिंग नै दोषी भएकाले त्यसलाई छेदन गरेको सुनाए ।
काठमाडौं गोदावरीका ५० वर्षीय अर्जुनकुमार सिलवाल आमा र बुबाको देहान्तपछि शिवभक्त बनेका हुन् । पशुपतिमा करिब २० वर्षको सेवापश्चात् ६ वर्षअघि महादेवस्थानस्थित मन्दिरमा आएका थिए । सुरुका दिनमा आफू पूर्ण रुपमा आसनमा रहे पनि खानपानका कारण आफूमा रहेको संकल्प केही दिनअघिदेखि टुटेकाले बाध्य भएर आफ्नो लिंग काटेको उनले बताए । ‘मेरो निर्णय कष्टकर थियो तर महादेवको दर्शन गर्न आएका महिलाहरुप्रति मेरो मनले कुभलो चितायो,त्यसको कारण लिंग नै रहेको निष्कर्ष निकालेर काटिदिएँ’,उनले भने ।सिलवालले १० कक्षासम्म पढे तर टेस्टमा फेल भएपछि घरपरिवारबाट अपहेलित भएपछि यो जीवन रोजेका हुन्,आजको राजधानी दैनिकमा खबर छ ।