झापाः  पुर्व कार्यक्रम संचालिका समेत रहेकी  शनिअर्जुन नगरपालिका–४, लक्ष्मीपुरकी बेहुली कल्पना घिमिरेले झुण्डिएर आत्महत्या गरेकी छिन् ।   विहे हुनु तीनदिन अघी  २१ वर्षीया घिमिरे रेडियो सन्देश, सुरुङ्गाकी पूर्व कार्यक्रम सञ्चालिका हुन्।

कनकाई नगरपालिका–१, सुरुङ्गाका एक युवकसँग घिमिरेको माघ १७ गते बिहे हुने निश्चित भएको थियो । केही दिनअघि वरमाला  समेत गरेका दुवै परिवारले आफन्त र छिमेकमा निम्तो कार्डसमेत बाँडिसकेका थिए भने  विहेको तयारी दुवैतर्फ भव्यरूपमा भईरहेको थियो ।   सोमबार दिनभर बिहेका कपडा किनमेल गरेकी घिमिरे मंगलबार बिहान ४ बजे शौचालय जान्छु भन्दै घर बाहिर निस्किएकी थिइन् ।

शौचालय गएकी छोरी लामो समयसम्म नफर्केपछि हेर्न जाँदा घर छेउकै एक कुनामा सलको पासो लगाई झुण्डिएको अवस्थामा उनी फेला परेको आमा मञ्जुु घिमिरेले बताइन् । मृतक घिमिरे मनकमना कलेज विर्तामोडमा बीएमा अध्ययनरत  छात्रा हुन्  ।  आजको अन्नपुर्ण पोष्टमा खवर छ ।