काठमाडौं ।
अभिनेता श्रीकृष्ण श्रेष्ठको निधन भएको सुनेपछि बिहवल भएका धेरै कलाकारले एक थुंगा फूल चढाएर अन्तिम दर्शन गर्ने चाहना राखेका थिए । तर, दिनभरि प्रयाश गर्दा पनि सम्भव भएन । शुभचिन्तकको अत्याधिक भिड भएको कारण हातमा लिएको फुल हातमै ओइलायो, अन्तिम पटक अनुहार हेर्ने धोको पुरा भएन धेरैको ।

काठमाडौंमा दुई बजे श्रीकृष्णको शव आइपुग्ने खबरसँगै धेरै कलाकार तथा श्रीमका शुभचिन्तक प्रज्ञा प्रतिष्ठानमा बिहानैदेखि जम्मा भएका थिए । पुराना रंगकर्मी प्रचण्ड मल्लदेखि अभिनेता राजेश हमालसम्म प्रज्ञा प्रतिष्ठानमै उभिए हातमा फूल लिएर । पहिलो निर्धारित कार्यक्रम अनुसार श्रीकृष्णको शवलाई तीन घण्टा प्रज्ञा प्रतिष्ठानमै राख्ने र त्यहीँ कलाकारहरुले अन्तिम श्रद्धान्जली दिने कार्यक्रम थियो ।

तर, उनका प्रसंसकहरुको थामिनसक्नु भिडका कारण पार्थिव शरीरलाई प्रज्ञा प्रतिष्ठानसम्म पुर्याइए पनि राख्न सम्भवै भएन । तीन चार घण्टा अघिदेखि हातमा फूल लिएर बसेर राजेश हमाल, प्रीयंका कार्की, टिका पहाडी, भुवन चन्द, निशा अधिकारी, शम्भुजीत बास्कोटा लागयतका चलचित्रकर्मीहरु तथा राजनीितक दलका नेताहरू टाढैवाट हात हल्लाउँदै बिदाइ गर्नबाध्य भए ।
‘एक थुंगा फुल चढाउने सपना पुरा नभएकोमा दुःखी छु, तर, नेपाली दर्शकले उहाँप्रति जुन सद्भाव ब्यक्त गरे त्यही हेरेर चित्त बुझाएँ’- नायिका निशा अधिकारीले भनिन् ।
करिष्मा मानन्धर, नीर शाह, रमेश बुढाथोकी, चैत्यदेवी, रुपा राना, अरुणिमा लम्साल, शिबहरि पौड्याल, दयाहाङ राई, मदनदाश श्रेष्ठ, नम्रता श्रेष्ठ, सौगात मल्ल लगायत अरु धेरै कलाकारको धोको थियो-अन्तिम पटक उनको अनुहार हेर्नु र एक थुंगा फूल चढाउनु ।

समाजसेवी अनुराधा कोइराला, राजनितिज्ञ पशुपति शमसेर जबरा, कृष्णबहादुर महरा, हिसीला यमी, अग्नि सापकोटा लगायतले पनि दर्शकको भिडकै कारण फूल चढाउने सपना थाँती राख्दै बाहिरिए ।
उनीहरूमध्ये केही भने पशुपति  आर्यघाटसम्म पुगेर पि्रय नायक श्रीकृष्ण श्रेष्ठप्रति अन्ति श्रद्धान्जली दिएका छन् । राति निकै काटिसक्दा समेत आर्यघाटमा उनलाई श्रद्धान्जली दिनेको ठूलो उपस्थिति थियो ।