खुश्वुसँग सम्बन्ध जोड्ने इच्छा नभएको स्पष्टोक्ती

चरी इन्काउन्टरसँगै चर्चामा आएका अर्पण कोइरालाले चरी तत्काल मरोस् भनेर आफुले नचाहेको पष्ट पारेका छन् । चरीलाई प्रहरीले पक्राउ गरेर जेलमा राखोस् र कानुनी कारबाही गरोस् भन्ने आफ्नो चाहना भए पनि प्रहरीले उसलाई मारेको उनले बताए । उनले चरी मार्नको लागि आफुले रिसको आबेगमा धम्की दिए पनि बास्तबमा आफ्नो भित्री इच्छा चरी मार्ने नरहेको प्रष्ट पारेका छन् । ‘चरीसँग मेरो झगडा भएको हो । उसले पनि मलाई मार्छु भनेको थियो ।मैले पनि भनेको थिएँ’ नयाँ पत्रिकासँग टेलिफोन कुराकानी गरेका अर्पणले भनेका छन्,‘त्यो एउटा झगडाको बेला थियो,रिसमा बोलेको कुरा ब्यवहारमा उतार्न को हिँड्छ ? कसले सक्छ ? म ढाँट्न सक्दिन् । म चरीलाई प्रहरीले पक्राउ गरोस् र जेलमा राखोस् भन्ने चाहन्थेँ । तर मैले चाहनु र नचाहनुको के अर्थ छ र ?’ अर्पणले खुश्वुलाई धम्क्याएर पठाइएका भनिएका कतिपय इमेल आफुले पठाएको भए पनि केही उनी स्वयंयले बनाएको दाबी गरेका छन् । चरी र खुश्वुले आठ वर्ष लामो माया र सपना लुटेकाले आफुले विक्षिप्त भएर त्यस्तो हर्कत गरेको उनले स्वीकारे । उनले खुश्वुलाई चरीले खोसेपछि आफु विरामी नै परेको बताउँदै पछि आफु सम्हालिएको बताएका छन् । उनले गुमाएको पुरानो माया आफुले नचाहेको समेत स्पष्ट पारेका छन् । ‘चरी र खुश्वुले मेरा आठ वर्ष लामो माया लुटे,मेरो सपना लुटे । म त्यतिबेला विक्षिप्त भएको थिएँ । म विरामी नै परेँ,तर जीवन यस्तै हो,चल्दै जान्छ भनेर मैले आफुलाई सम्झाएको छु । अब मैले गुमाएको माया पाउनु छैन । अगाडि बढ्नु छ । अगाडि बढ्न चरीको जस्तो बाटो रोज्नुपर्छ भन्ने मलाई लाग्दैन । मेरो त्यो हैसियत पनि छैन’ अर्पणले नयाँ पत्रिकासँग भनेका छन् । अर्पणले आफु पहिले लागु औषधको दुव्र्यसनी भएको र आठ वर्षअघि लागुऔषध पुनस्र्थापना केन्द्रमा उपचार गराउने क्रममा नार्कोनन नेपाल मार्फत खुश्वुसँग चिनाजानी भएको समेत बताएका छन् । ‘म बास्तबामा नार्कोनन्को स्टाफको रुपमा काम गर्न थालेको थिएँ । त्यहीँ बेला राष्ट्रिय सभागृहको कार्यक्रममा खुश्वुसँग भेट भयो ।हामीले एकअर्कालाई फोन नम्बर लियौं । पटकपटक भेट्यौं । र हाम्रोे सम्बन्ध विस्तार हुँदै गयो,’ अर्पणले प्रेम सम्बन्ध विस्तारबारे बताएका छन् ।अर्पणले खुश्वु आफ्नो खुशी भएको भन्दै आफुले बेलायतको अक्सफोर्ड युनिभर्सिटीमा लाखौं खर्चेर पढाएको समेत बताएका छन् । ‘खुश्वु मेरो भविष्य हुन् भन्नेबाहेक मलाई केही थाहा थिएन । आफ्नो खुशीका लागि खर्च गर्नु सबैले कर्तव्य सम्झन्छन्, मैले पनि सम्झे’अर्पण भन्छन् । अर्पणले चरीसँगको सम्बन्ध विकासबारे पनि बोलेका छन् । उनले साथीभाइ भेट्न अन्नपुर्ण होटलमा जाने क्रममा चरीसँग चिनजान भएको र उनको आनीबानी उनको आम छबीभन्दा निकै पृथक रहेकाले पछि सम्बन्ध निकै प्रगाढ बनेको बताएका छन् । उनले सम्बन्ध सुमधुर हुँदै गएपछि चरीलाई गाडी र घर किन्न समेत आफुले सहयोग गरेको खुलासा गरेका छन् । ‘म साथीलार्य भेट्न अन्नपुर्ण होटलमा गइरहन्थे । उ डन हो भन्ने मलाई थाहा थियो । तर एकदिन चिनजान गर्दा निकै भलादमी लाग्यो । म छक्क परेँ । खुँखार गुन्डा भनेर चिनिएको मान्छे पनि यति भलाद्मी हुन्छ भनेर थाहा पाउँदा मलाई राम्रै लाग्यो । त्यसैले हामी साथीका रुपमा नजिकियौं । हाम्रो मित्रता झाँगिएपछि मैले सकीनसकी उसलाई परेको बेला सहयोग गरेँ । उसले ८५ लाखमा भक्सवागन गाडी किन्न खोज्यो,तर माछापुच्छ«े बैंकले ३५ लाख रुपैयाँ डाउनपेमेन्ट मागेको थियो । त्यो ३५ लाख नै मैले दिएको हो । भैसी पार्टीमा घर बनाउँदा पनि मैले सहयोग गरेको थिएँ’ अर्पणले चरीसँगको विकसित सम्बन्धबारे यसरी बताएका छन् । अर्पणले एक दिन आफुले खुश्वुलाई अन्नपुर्ण होटलमा लिएर गएको र त्यही चरी र खुश्वुबीच परिचय भएको बताएका छन् । अर्पणले सुरुमा खुश्वुलाई चरीले भाउजु भनेर रेस्पेक्ट गर्ने भए पनि पछि आफुले अकल्पनिय धोका पाएको बताएका छन् । ‘‘एक दिन खुश्वुको घरमा पनि दिनेशलाई लिएर गएँ । उसलाई देखेर खुश्वुका बाबुआमा,दाजुभाउजु सबै दंग पर्नुभयो । तर देबर भाउजु भन्ने चरी र खुश्वुको सम्बन्ध बढेछ । मैले लामो समयसम्म पत्तै पाइनँ’अर्पर्ण भन्छन् । अर्पणले ६ महिनाअघि मात्रै चरी र खुश्वुले आफ्नो खुसी लुटेर धोका दिएको आफुले थाहा पाएको बताएका छन् ।‘धेरै पुनारो कुरा पनि होइन । ६ महिना अघि म कामको सिलसिलामा दिल्लीमा थिएँ । खुश्वु र मेरोबीच असाध्यै राम्रो समझदारी थियो । हामी एक–अर्काका फेसबुक चलाउँथ्यौं । एकदिन अष्ट्रेलियाको एकजना साथीसँग च्याट गर्नुभएको रहेछ । त्यसमा लेखिएको थियो– What a waste of time it was,Iwas having relation with such a dumb person for 8 long years . But now iam in love with Dinesh Adhikari Chari . He is so romantic and our love is on the air . यो देखेर म छाँगाबाट खसेजस्तै भएँ । त्यो बेला मैले आँखा देखिनँ । यो संसारमा विश्वास भन्ने चिज केही नै हुँदोरहेनछ भन्ने लाग्यो । खुश्वुलाई जथाभावी गाली गरेँ’ अर्पणले सम्बन्ध बिग्रनुको चुरो कारण खोतल्दै भनेका छन् -
रातोपाटीमा खवर छ