मोस्ट वान्टेडमा रहेका वाहुन डन भारतवाट पक्राउ
 |
काठमाडौं,असार११–
मोस्ट वान्टेड ‘बाहुन डन’ भारतीय विधायकको
घरबाट पक्राउ परेको खवर सार्वजनिक भएको
छ । लगातार ६
महिना पिछा गरेपछि नेपाल प्रहरीले भारत उत्तरप्रदेशका समाजवादी पार्टीका विधायकको
लखनउस्थित घरबाट बाहुनलाई पक्राउ गरेको हो । रमेश बाहुन भनिने सुजन पौडेललाई
उत्तरप्रदेशको सत्तारुढ समाजवादी पार्टीका विधायक विनायक सिंहको घरबाटै पक्राउ
गरिएको उच्च प्रहरी स्रोत बताउँछ ।बाहुनसँगै उनका सहयोगी दुर्गे भनिने दुर्गा
राईसमेत पक्राउ परेका छन् । ४ माघमा ललितपुरका मीनकृष्ण महर्जनमाथि गोली हान्ने
घटनामा बाहुनलाई राईले सहयोग गरेका थिए । त्यस यता दुबै जना लुक्दै आएका थिए ।
बाहुन विरुद्द अदालतमा आधा दर्जन मुद्दा छन् । लागुऔषध, ज्यान मार्ने उद्योग
जर्वजस्ती असुलीजस्ता मुद्दा रहेको प्रहरी अधिकारी बताउँछन् ।
जसमध्ये लागुऔधष
मुद्दा सबैभन्दा बलियो छ । उनका दुई सहयोगी दुई वर्षअघि ब्राउनसुगरसहित पक्राउ
परेका थिए,सो मुद्दामा उनीहरुविरुद्ध पनि वारेन्ट जारी भएको थियो । तीन वर्षअघिदेखि
नै बाहुन प्रहरीको खोजी सूचीमा थिए । पटकपटक प्रयासगर्दा पनि उनी पक्राउ परेका
थिएनन् । ललितपुर घटनापछि प्रहरीले उनको खोजी कार्यमा व्यापकता दिएकाले उनी भारत
भागेका थिए । उक्त खवर आजको नयाँ पत्रिका दैनिकमा छ ।
0 comments
Write Down Your Responses