काठमाडौं, श्रावण २३ -
वैदेशिक रोजगार ब्यबसायी संघका अध्यक्ष हंसराज वाग्लेलाई बिहिबार राति प्रहरीले हिरासतमा पक्राउ गरेको छ ।
दरबारमार्ग प्रहरीका अनुसार दरबारमार्गस्थित सिज्लिङ डान्स बारमा केटीको निहुँमा एक पाकिस्तानी नागरिकलाई हिर्काएपछि उनी पक्राउ परेका हुन् ।
'पिटाइ खाएका पाकिस्तानी नागरिकको आँखामा चोट लागेको छ,' दरबारमार्ग प्रहरीका डिएसपी राजकुमार सिल्वालले भने, 'सार्वजनिक स्थलमा होहल्ला र कुटपिट गरेकाले उनलाई सार्वजनिक मुद्धा लगाउने तयारी छ ।' घटना राति करिब ११ बजे भएको हो ।

दुवईको टप सेक्युरिटी कम्पनीमा सुरक्षा ब्यबस्थापक रहेका पाकिस्तानी नागरिक पनविर साह सुरक्षा गार्डको अन्तर्वार्ता लिन नेपाल आएका थिए । उनलाई गल्फ होराइजन इन्टरनेशनलले डिनरका लागि उक्त डान्स बार पुर्‍याएको थियो । पनविरसँग अर्का नेपाली महिला पनि थिइन् ।
पीडितले प्रहरीलाई बताए अनुसार वाग्लेले ती नेपाली महिलालाई जिस्काएपछि साहले अवरोध गरेका थिए । त्यसपछि वाग्लेले साहलाई कुटपिट गरेका थिए ।  
कान्तिपुर दैनिकमा खवर छ ।