काठमाडौं, भदौ ३–
 प्रहरी चेकजाँचको क्रममा राजधानीको सामाखुसीमा उल्टै प्रहरीमाथि नै आक्रमण गर्ने गुण्डा नाइके कुमार श्रेष्ठ उर्फ कुमार घैंटेलाई प्रहरीले गोली प्रहार गरेको छ । गोली प्रहारबाट घैंटेको पेटमा गोली लागेको छ भने घाइते उनलाई पक्राउ गरि त्रिवि शिक्षण अस्पताल महाराजगञ्जमा उपचारको लागि पुर्याइएको महानगरीय अपराध महाशाखाका एसएसपी सर्वेन्द्र खनालले रातोपाटीलाई जानकारी दिए । उनका अनुसार बिहान ११ बजे

चेकजाँचमा खटिएको महाशाखाका प्रहरी टोलीमाथि घैंटेको समुहले आक्रमण गरेको थियो । जवाफी कारबाहीमा प्रहरीको गोलीलागि घैंटेसहित उनका दुई सहयोगी समेत घाइते भएका हुन् । घाइते हुने अन्य दुईमा सुरेन्दै महर्जन र राजु महर्जन रहेका छन् ।