काठमाडौं। नेपालमा कुमारीलाई जीवित देवीको रुपमा पूजा गरिन्छ। जीवित देवी कुमारीलाई श्रद्धाका साथ राष्ट्रप्रमुख, सरकार प्रमुखदेखि सर्वसाधारणसम्मले पूजा समेत गर्ने गर्छन। नेपालको संस्कृतिलाई विश्वव्यापी बनाउने क्रममा कुमारीको प्रसङग आउँछ। जीवित देवी कुमारीको पूजा गर्ने प्रचलन नेपालमा मल्लकालदेखिकै प्रचलन हो। उपत्यकाका तीनै जिल्लामा कुमारीको लागि विशेष व्यवस्था र विशेष सम्मान पनि छ। उपत्यकाको काठमाडौंको कुमारीलाई राजकीय सम्मान समेत रहेको छ।

 जीवित देवी कुमारीको तस्विर चित्र नेपालमा मात्र नभइ संसारका कला पारखीहरुमा निकै विक्ने कुरा पनि हो। नेपाल भनेर बाहिर चिनाउँदै गर्दा कुमारीको समेत चर्चा हुने गर्छ। तर तिनै जीवित देवी कुमारीको चित्र बनाउने नाममा कसैले चर्चा कमाउनकै लागि विकृत बनाएको चित्र फेला परेको छ। जिवित देवी कुमारीको निधारमा हामीले पुरै निधार ढाक्ने गरि रातो टीका लगाएको देख्ने गरेका छौ। सोहि रातो टीकालाई देखाउन एक कलाकारले विकृत तरिका प्रयोग गरेका छन्। काठमाडौंको दरवारमार्गस्थित सिटी म्युजियममा विभिन्न कलाकारहरुको साथमा प्रदर्शनमा राखिएको चित्रमा कुमारीको निधारमा लगाइने रातो टिकामा एक परिवार नियोजनका साधनको बजारिकरणको गर्ने कम्पनीको लोगो सहित पुरुषले प्रयोग गर्ने परिवार नियोजनको अस्थायि साधनको बारेमा समेत लेखिएको छ।

सुदिप वाला नामक कलाकारले थ्रीडी इफेक्ट प्रयोग गरि बनाएको कुमारीको चित्रको निधारमा परिवार नियोजनको नारा टाँसेका छन्। ‘पुरुषहरुको लागि परिवार नियोजनको भरपर्दो अस्थायी साधन’ नारा उनले चित्रको निधारमा उल्टो गरि लेखेका छन्। पुरुषहरुको लागि परिवार नियोजनको भरपर्दो अस्थायी साधनको रुपमा सो कम्पनीले  कण्डोमको वजारीकरण गर्दै आएको छ।

विभिन्न साधनहरुको प्रयोग गरेको सो तस्विरमा वालाले जानाजान नै सो टुक्रा प्रयोग गरेको देखिएको छ।
२७ हजार रुपैयाँमा उनले कुमारीको सो तस्विरलाई विक्रीमा राखेका छन्।

हाम्रा कुरा. कमवाट साभार